Ish-bodyguard i Kris Jenner, Marc McWilliams ka pohuar se ishte “subjekt i veprimeve seksuale të padëshiruara” ndërkohë që punonte për dyshen, Jenner dhe Kourtney Kardashian.
Sipas tij, ngacmimet filluan që në muajin e parë të punës. Kris bënte komente “të një natyre të hapur seksuale” ndaj Williams, sikur po bënte vërejtje për pamjen e tij fizike, pyeste për jetën e tij seksuale dhe i sugjeronte “të bënin marrëdhënie romantike dhe seksuale së bashku”.
Avokati i Jenner mohoi akuzat mbi klienten e tij, duke u shprehur:
“Kris kategorikisht mohon se është sjellë ndonjëherë në mënyrë të papërshtatshme ndaj Marc McWilliams. Roja i sigurisë punoi jashtë shtëpisë dhe ai kurrë nuk hyri në shtëpinë e Kris”, tha Marty Singer për TMZ në një deklaratë. “Kris kishte shumë pak ndërveprim me të. Pasi roja u kap në mënyrë të përsëritur duke fjetur në makinën e tij ndërsa ishte në punë, kompanisë së sigurimit iu kërkua të mos e caktojë atë për të punuar atje në të ardhmen.”
