Aktori Neritan Liçaj u pyet sot nga prokurorët e SPAK në lidhje me kallëzimet e Aleancës për Mbrojtjen e Teatrit, për shembjen e Teatrit Kombëtar.
“Shpresoj që drejtësia të vihet në vend pasi kauza e teatrit është një kauzë e drejtë e luftës së politikës kundër artit. Unë nuk jam përballur kurrë me drejtësinë dhe nuk jam akuzuar asnjëherë, përveç gjobave të parkimeve të gabuara. Beteja jonë do të vazhdojë”, tha Liçaj.
Aktori solli në vëmendje gjithashtu se ka qenë vetë kryeministri i cili ka deklaruar se prej më shumë se 20 vitesh ka dashur ta prishë atë teatër.
