Vaksina kundër Covid-19 e zhvilluar nga kompania amerikane ”Moderna”, e cila ka arritur fazën e tretë të provës, raportohet se ka dhënë një përgjigje të mirë imune tek të moshuarit dhe efektet anësore janë kryesisht të lehta ose të moderuara.
Rezultati konfirmohet nga të dhënat e fazës së parë të provës, botuar në revistën ”New England Journal of Medicine”, sipas të cilit, përgjigjja imune është e ngjashme me atë të arritur tek të rriturit.
Studimi përfshiu 40 persona mbi moshën 56 vjeç, të cilëve iu dhanë dy doza me një muaj diferencë kohore.
Përgjigjja e antitrupave duket e ngjashme me atë të dokumentuar mbi ata që morën vaksinën mes moshave 18 dhe 55 vjet.
