E ftuar në “Ftesë në 5” me Bieta Sulon ishte moderatorja Rudina Dembacaj. Para disa ditësh ajo mori një propozim për martesë nga partneri i saj, ish-deputeti, Mark Frroku por nuk e përjetoi siç duhej për shkak të mungesë së babait të saj që ndërroi jetë pak kohë më parë.
“Për shkak se mua më mungon shumë ai person, s’e kam përjetuar këtë gjë siç duhet ta përjetoja. Pas vdekjes së tim eti nuk është asgjë si më parë. Mundohem që për mamanë dhe motrën të jem mbështetja. E diela vijon të jetë ajo fanatikja mes motrës, mbesës dhe Viktorias sime. Të dielat në Lezhë nuk krahasohen me asgjë në botë. Unë përveç familjes time kam pasur dhe Markun. Prezenca e Viktorias sfumon çdo lloj dhimbje, por unë do të jem vajza e babit dhe ai ishte shumë i lumtur, sepse më ka mësuar të mos e gënjej veten. Unë do të vijoj të mos gënjej kurrë sepse ai rriti një vajzë të tillë. I kërkoj ndjesë publikut, më mungon pafund”, u shpreh Rudina.
