Jamie Vardy përmbys i vetëm Manchester City. Ekipi i Pep Guardiolës gjeti golin me anë të Riyad Mahrez në minutën e katërt, por Leicester barazoi takimin në minutën e 37-të.
Penallti për miqtë dhe bomberi anglez nuk gabon nga pika e bardhë. 1-1 fraksioni i parë i ndeshjes, teksa 45 minutat e dyta kanë nisur me një eurogol të “Dhelprave”.
Asist i Castagne nga e djathta dhe finalizim me finte i Jamie Vardy. Gol fantastik i 33-vjeçarit në minutën e 54-t, teksa katër minuta më pas vjen edhe goli i tretë.
Tjetër penallti për skuadrën e Brendan Rodgers dhe Vardy tregohet sërish i saktë përballë brazilianit Ederson.
