Alex Seitaj, një prej humoristëve më të talentuar shqiptar, ka qenë i ftuar në emisionin ‘Glamour Zone’ në RTV ORA.
Mes momenteve qesharake që karakterizojnë Alexin, ai ka drejtuar vëmendjen edhe tek prapaskenat e televizionit. Alexi, zbuloi për moderatoren Ester Bylyku se vajzat e show bizit në Shqipëri abuzohen në mënyrë të frikshme.
Ester Bylyku: Na thuaj disa nga prapaskenat e show bizit që publiku nuk i di
Alex Seitaj: Është që vajzat e show bizit abuzohen në një mënyrë të frikshme. Nëse mund ta them troç, në Shqipëri nuk është turp që një producent, një drejtor, një regjisor të kërkojë favore seksuale në këmbim të disa gjërave gjërave. Dhe pastaj nga ana tjetër janë vajzat që sulmohen, dhe thonë që ‘nëse s’ia kishte qejfi, pse e bëri?’ Është një presion dhe një ambjent që nuk më pëlqen. E them këtë sepse shumë nga mikeshat e mia janë pjesë e show bizit dhe të shoh që vajzat e show bizit, shihen si copa mishi që ecin mes hienash nuk është një pamje e bukur.
Ester Bylyku: Alex, mund të të them që askush nuk të detyron të bësh asgjë. Njoh vajza që kanë refuzuar regjizorët dhe u ka shkëlqyer fati në një televizion tjetër. Me zor nuk të merr njeri, eshtë çështje zgjedhje lejon të abuzohesh apo jo.
