39-vjeçari i arrestuar nga Policia e Durrësit, pasi akuzohet se ka kryer marrëdhënie seksuale me vajzën e bashkëjetueses nga martesa e parë, është denoncuar pikërisht nga nëna e të miturës dhe kjo e fundit.
Nëna së bashku me të bijën i janë drejtuar Komisariatit dhe kanë denoncuar se bashkejetuesi i tyre ka abuzuar seksualisht me 14 vjeçaren.
Sipas vajzës, çdo gjë ka ndodhur kur nëna e saj nuk ndodhej në shtëpi. Madje e mitura ka deklaruar se edhe është dhunuar fizikisht dhe psikologjikisht nga 39-vjeçari.
Deri tani janë, kryer vizita mjekësore të vajzes dhe në prani të psikologes për të vërtetuar pretendimet e saj. Rezultatet e ekspertizës pritet të dalin nesër.
Policia njoftoi këtë të Shtunë se “specialistët për Hetimin e Krimeve në Komisariatin e Policisë Durrës, arrestuan në flagrancë shtetasin L.K., 39 vjeç, banues në Durrës, pasi dyshohet se ka kryer mardhënie seksuale me një shtetase të mitur 14 vjeçe. Kjo e fundit është vajza e bashkëshortes së tij nga martesa e parë”.
Fillimisht, vajza ka folur rreth ngjarjes me të ëmën, e më pas është bërë kallëzimi në polici.
