Janë kapur nga forcat e policisë franceze dy persona që cilësohen si autorët e sulmit të sotëm përballë selisë së dikurshëm të revistës Charlie Hebdo.
Personat në fjalë janë një 18 vjeçar pakistanez dhe një 33 vjeçar algjerian, që nuk ka marrë pjesë personalisht në sulm por mund të ketë organizuar ose ideuar planin.
Sipas ministrit të Brendshëm francez Gerald Darmanin, bëhet fjalë për një “sulm islamist”. Ngjarja e ndodhur rreth orës 12 në lagjen afër Bastijës, ishte e befasishme aq sa e paparashikuar.
Dy persona që po pinin cigare dhe që punonin në një kompani prodhimi televiziv, dera e së cilës ndodhet përballë targës përkujtimore të atentatit ndaj redaksisë së Charlie Hebdo më 7 janar 2015, u sulmuan me hanxhar, por rezultojnë jashtë rrezikut për jetën.
Zona u mbyll totalisht nga policia, shkollat u mbyllën edhe si pasojë e një pakoje anonime që për disa minuta u besua se mund të përmbante lëndë shpërthyese.
Ndaj dy personave akuza është ajo e “ vrasjes së mbetur në tentativë, aksion terrorist dhe pjesëmarrje në organizatë terroriste”.
Ndërkohë në Paris po merren masa edhe më të forta për mbrojtjen e disa objekteve kulti dhe simbolike, si ato hebraike, edhe për shkak të fillimit të Yom Kippur, një nga festat kryesore të atij besimi.
