I riu që qëlloi për vdekje një rreshter të policisë në orët e para të mëngjesit të sotëm raportohet se po i matej temperatura si pjesë e rregullave anti-Covid.
I ndaluari thuhej se do t’i nënshtrohej matjes së temperaturës pasi mbërriti në rajonin policor në Croydon në jug të Londrës pas arrestimit të tij për posedim armësh.
Ai qëlloi oficerin rreth 2.15 të mëngjesit. Menjëherë në vendngjarjes shkuan mjekët që i dhanë ndihmën e parë, por rreshteri, që ishte afër daljes në pension, vdiq rrugës për në spital.
I riu i arrestuar, i cili gjendet në spital pavarësisht plagëve pasi qëlloi veten, u arrestua nga një tjetër polic në patrullë pasi pa që po sillej çuditshëm.
Kur u soll në rajon ai u mbajt në paraqeli, pasi iu gjet një armë, por ndërsa priste aty dhe doli për të shënuar të dhënat e tij personale dhe kaluar procedurat e Covid-19, besohet se i dyshuari mori një armë dhe qëlloi oficerin.
