Të shtëna janë shënuar këtë të Enjte në lagjen “11 Nëntori” në Elbasan. Një person ka qëlluar me armë zjarri ndaj efektivëve të policisë, që ishin duke zhvilluar një operacion.
Burime bënë me dije se autori ka qëlluar nga ballkoni i një apartamenti. Ndërkohë, nga të shtënat janë plagosur dy kalimtarë.
“Si pasojë e të shtënave janë plagosur jashtë rrezikut për jetën dy kalimtarë të rastit në momentet e para kur ka filluar te qëllonte personi në drejtim të Policisë”, sqaruan burime zyrtare.
Policia ka vendosur një kordon sigurie në zonë dhe i ka bërë thirje agresorit të dorëzohet.
Të njëjtat burime shtuan se banesa ku është vendosur autori është e rrethuar nga Forcat Shqiponja dhe në ndihme po mbërrijnë RENEA dhe FNSH.
LEXO EDHE:
