Tre persona janë vënë në pranga nga policia e Tiranës për veprën penale “Plagosje e rëndë me dashje e kryer në bashkëpunim”.
“Nga Komisariati i Policisë Nr.1 u zhvillua operacioni Policor ‘Kombinimi’, në kuadër të të cilit u bë i mundur, kapja dhe ndalimi i autorëve të dyshuar, konkretisht: S.Z., 23 vjeç, E.Z., 18 vjeç dhe R.Ç, 31 vjeç, të tre banues në Tiranë. Këta shtetas, në bashkëpunim me njëri-tjetrin, në rrugën ‘Mihal Grameno’, me date 09.08.2020, pas një konflikti të çastit, për motive të dobëta kanë goditur me sende të forta shtetasin K.H., i cili ndodhet aktualisht i shtruar në spitalin e Traumës”, njoftoi policia.
Materialet i kaluan Prokurorisë së Rrethit Gjyqësor Tiranë, për veprime të mëtejshme, shtuan të njëjtat burime.
