Ka ndërruar jetë si pasojë e plagëve të rënda 38-vjeçari shqiptar, të cilit iu bë atentat ditën e diel në plazhin e Torvaianica-s, pranë Romës.
Sipas të dhënave më të fundit të policisë, Selavdi Shehaj u qëllua nga dy persona të maskuar në plazh, të cilët u larguan me shpejtësi nga vendngjarja me një motor.
38-vjeçari iu nënshtrua dy operacioneve në spitalin e San Camillos në Romë, por nuk mund të mbijetonte.
Selavdi Shehaj ishte një person i njohur për drejtësinë italiane, pasi ishte dënuar më herët për krime të lidhura me drogën.
