Nezihat Stërmasi, bashkëshortja e legjendës bardheblu, Selman Stërmasi, sot feston ditëlindjen e 100-të.
Urimet për të janë të shumta, duke nisur nga familjarët e më pas për të kaluar te tifozët dhe personalitetet shtetërore dhe të botës së sportit.
Presidenti i Republikës, Ilir Meta dhe kreu i FSHF-së Armand Duka nuk kanë humbur rastin të bëjnë urimet e tyre, ndërsa së fundmi diçka të tillë e ka bërë edhe klubi i Tiranës.
“Zonja e të madhit Selman Stërmasi, Nezihat Stërmasi feston sot 100 vjetorin e lindjes. Ajo gëzon sot plot 1 shekull jetë duke mos harruar asnjë ditë dashurinë e madhe që i la pas bashkëshorti i saj. Klubi i uron më të mirat gruas ikonë së shtëpisë që rriti aq shumë futbollistë dhe ushqeu gjithmonë ndjenjën e thellë për Tiranën dhe ngjyrat bardheblu”- shkruhet në faqen zyrtare të klubit të Tiranës.
