Lady Gaga ka folur hapur për problemet me shëndetin mendor dhe për betejën me depresionin, pasi e ka pasur shumë të vështirë ta përballojë famën. Gaga promovoi albumin e ri, “Chromatica”, dhe tha se këngët ishin një pasqyrë e anës më të errët të jetës së saj, duke përfshirë edhe luftën me shëndetin mendor.
Kur u pyet se çfarë ishte “aq e errët” në atë kohë, ajo tha se “kishte hequr dorë plotësisht nga vetja”.
Gaga vazhdoi: “Unë e urreja të qenit e famshme, e urreja të isha një yll, ndihesha e rraskapitur dhe e përdorur.
Nuk është gjithmonë e lehtë t’i lejosh të tjerët të të shohin, nëse ke probleme mendore. Unë shfaqesha në publik, e dëmtoja veten, dhe thoja: ’Shikoni, preva veten’. Sepse nuk mendoja se dikush mund të më shihte, pasi shëndeti mendor, është i padukshëm ”.
Gaga gjithashtu tha se mendonte për vetëvrasjen “çdo ditë”.
Ajo shtoi: “Unë nuk e kuptoja pse duhet të jetoja, përveç se duhet të isha atje për familjen time. Unë jetoja në shtëpi, ndërkohë njerëzit më kanë vëzhguar për dy vjet që të siguroheshin që isha mirë”. Por, fama i ka shkaktuar edhe gjendje paniku.
“Nëse jam në dyqan ushqimor dhe dikush më afrohet shumë dhe më vë një celular në fytyrë për të më bërë foto, thjesht përjetoj panik të plotë, dhimbje në të gjithë trupin. Është sikur të jem një objekt dhe jo një person”.
Gaga tha se kishte lindur për të bërë muzikë dhe përkundër gjithë asaj që ka kaluar, iu desh të vazhdonte para.
