Kryetarja e bashkisë Shkodër, Voltana Ademi ka rezultuar pozitive me COVID-19. Një ditë më parë,ajo bërë tamponin pranë strukturave të shëndetësisë ndërsa në përgjigjen zyrtare të mbërritur sot ka rezultuar pozitive me COVID-19.
Menjëherë pas konfirmimit kryebashkiakja nuk ka dalë në zyrën e saj ashtu si çdo ditë ndërsa raportohet se ajo ndodhet tashmë e izoluar. Gjendja shëndetësore e Ademit është mirë.
Tashmë pritet që edhe punonjës dhe drejtues të tjerë të bashkisë Shkodër që kanë patur kontakte me kryebashkiaken t’i nënshtrohen tamponëve ndërsa pritet të merren masa për dezinfektimin e zyrës së kryebashkiakes dhe mjediseve të tjera brenda bashkisë ku Ademi mund të ketë lëvizur.
Disa kohë më parë, në bashkinë Shkodër rezultoi pozitive nënkryetarja Emilia Koliqi dhe disa punonjës të tjerë.
