Dy të rinj janë arrestuar nga policia e Elbasanit për veprën penale “Prodhimi dhe shitja e narkotikëve”.
“Specialistët për Hetimin e Narkotikëve dhe Trafiqeve të Paligjshme në DVP Elbasan zhvilluan dhe finalizuan operacionin policor të koduar ‘Markata’, në kuadër të cilit u arrestuan në flagrancë shtetasit: D.P., 25 vjeç dhe R.B., 31 vjeç, banues në Elbasan”, njoftoi policia.
Të njëjtat burime shtuan se, arrestimi i tyre u bë pasi në lagjen “Brigada”, pranë markatës, gjatë kontrollit fizik iu gjetën dhe sekuestruan në cilësinë e provës materiale doza me lëndë narkotike të dyshuar kanabis sativa, 2 aparate celularë, 42.000 lekë të përfituara nga shitja e lëndës narkotike dhe mjeti tip “Suzuki” me të cilin lëviznin këta shtetas.
“Vijon puna për identifikimin e personave të tjerë që janë të implikuar në këtë veprimtari kriminale, njoftoi policia, ndërsa shtoi, se materialet i kaluan Prokurorisë pranë Gjykatës së Shkallës së Parë Elbasan, për veprën penale ‘Prodhimi dhe shitja e narkotikëve’”.
