Një aksident me vdekje ka ndodhur këtë të Hënë në aksin rrugor Elbasan-Peqin.
Viktimë ka mbetur një 77-vjeçar. Ky i fundit ishte nën drejtimin e një motoçikletë që u përplas me një automjet tip “Benz”. Si pasojë e përplasjes, i moshuari ka humbur jetën.
“Në aksin rrugor Elbasan- Peqin, në fshatin Gjocaj, shtetasi E.Z., banues në Fier, duke drejtuar mjetin tip ‘Benz’, është përplasur me motoçikletën me drejtues shtetasin Xh.T., 77 vjeç, banues në fshatin Gjocaj, Peqin. Si pasojë e aksidentit është plagosur dhe ka ndërruar jetë drejtuesi i motoçikletës”, njoftoi policia.
Grupi hetimor ndodhet në vendngjarje dhe po punon për zbardhjen e shkakut të aksidentit, shtuan të njëjtat burime.
