Gjykata e Lezhës ka dënuar me 4 vite burgim me akuzën e shpërdorimit të detyrës, ish-kryebashkiakun e Lezhës Fran Frokaj, për çështjen e tjetërsimit të tokave në zonën e Ranës së Hedhun.
Frrokaj u vu pranga në një operacion policor në vitin 2018, së bashku me 11 zyrtarë të tjerë, por më pas u lirua nga qelia, teksa masa e sigurisë ndaj tij u zbut në arrest shtëpie.
Fran Frrokaj dhe zyrtarët tjerë të pandehur për çështjen, sikurse edhe persona të tjerë, akuzohen se në bashkëpunim me njëri-tjetrin duke abuzuar me detyrën, kanë falsifikuar, tjetërsuar dhe përvetësuar 234,548 m2 tokë shtetërore ranishte në zonën bregdetare Shëngjin, tek vendi i quajtur “Rana e Hedhun”.
Hetimet për këtë rast nisën në vitin 2017, pas padisë së një personi i cili pretendon se prona e tij është regjistruar në emër të personave të tjerë.
Në të gjitha daljet e tij publike, Frrokaj i ka mohuar akuzat ndërsa ka akuzuar për prapavijë politike mbi çështjen.
Këtë të Enjte, gjykata dënoi me 1 vit burg ish-nënkryetarin e bashkisë Enver Hafizi, 4 vite ish kryetarin e qarkut Gjok Ndoka dhe 2 vite ish-drejtorin e Hipotekës lokale Artan Djala.
Lidhur me çështjen, gjykata dha sot në total dënimet për 16 të pandehur, ndërsa Renato Malotaj u shpall i pafajshëm.
Dënimet
1. Fran Frrokaj – 4 vite burgim, si dhe i hiqet e drejta për të ushtruar funksione publike për një periudhë prej 4 vitesh.
2. Enver Hafizi – 1 vit burgim, si dhe i hiqet e drejta për të ushtruar funksione publike për një periudhë prej 3 vitesh;
3. Juxhina Mema – 3 vite burgim, si dhe i hiqet e drejta për të ushtruar funksione publike për një periudhë prej 3 vitesh;
4. Adenis Haxhia – 1 vit e 6 muaj burgim, si dhe i hiqet e drejta për të ushtruar funksione publike për një periudhë prej 3 vitesh;
5. Eduart Leka – 2 vite burgim, si dhe i hiqet e drejta për të ushtruar funksione publike për një periudhë prej 3 vitesh; Heqjen e masës së sigurimit personal arrest në shtepi në ngarkim të pandehurit Eduart Leka per shkak të shuarjes se saj.
6. Artan Djala – 3 vite burgim, si dhe në aplikim të nenit 35 të Kodit Penal t’i hiqet e drejta për të ushtruar funksione publike për një periudhë prej 3 vitesh;
7. Ermando Jakaj – 3 vite burgim, si dhe i hiqet e drejta për të ushtruar funksione publike për një periudhë prej 3 vitesh;
8. Bledar Cara – 1 vit burgim, si dhe në aplikim të nenit 35 të Kodit Penal t’i hiqet e drejta për të ushtruar funksione publike për një periudhë prej 3 vitesh;
9. Frrok Frroku – 2 vite burgim;
10. Lek Frroku – 2 vite burgim;
11.Pjetër Gjoni (Lini) – 2 vite burgim;
12. Vasil Gjoni – 2 vite burgim;
13. Zef Gjini – 2 vite burgim;
14. Nikoll Tinaj – 2 vite burgim;
15. Luigj Paloka -3 vite burgim, si dhe i hiqet e drejta për të ushtruar profesionin e topografit për një periudhë prej 3 vitesh.
16. Gjok Ndoka – 4 vite burgim, si dhe i hiqet e drejta për të ushtruar funksione publike për një periudhë prej 4 vitesh;
