Vajza e Robert Aliajt tregon detajin e çuditshëm pasi u shpall fituese e “The Voice” në Belgjikë

Pas një gare të gjatë, vajza e artistit shqiptar, Robert Aliaj arriti të merrte trofeun mëse të merituar në The Voice Kids në Belgjikë.

Gala ka qenë në një lidhje me skype në emisionin “Ditë e Re” në RTV ORa me moderatoren Arjola Shehu. Ajo tregoi se ishte regjistruar për audicionet e The Voice vetëm 1 minutë para se të mbylleshin.

“Nuk shikoja asnjë voice, nuk më pëlqente show. U regjistrova në 1 minutë para se të mbylleshin regjistrimet”, tregon Gala.

Me potencialin e zërit të saj, Gala Aliaj arriti të vidhte zemrat e jurisë dhe publikut që në audicionin e parë. Ajo gjatë rrugëtimit të saj në The Voice tregoi se përtej vokalit të jashtëzakonshëm,15 vjeçarja kishte aftësi kërcimi, interpretimi dhe një stil unik.