Katër persona janë vënë në pranga në Korçë pasi kanë transportuar emigrantë të paligjshëm me qëllim fitimin.
Njoftohet se në pranga janë vënë K. N., 23 vjeç dhe Xh. Q., 20 vjeç, banues në Korçë, të cilët u kapën nga policia në Pogradec duke transportuar me mjetin tip “Benz”, dy emigrantë të paligjshëm.
Këtyre të fundit, kundrejt fitimit iu kishin premtuar kalimin drejt vendeve të BE-së. Po ashtu, dy të rinjtë, gjatë ndjekjes nuk iu bindën urdhrit të punonjësve të policisë për të ndaluar, por u kapën dhe prangosën.
