Sara Hoxha dhe Ledri Vula janë në pritje të fëmijës së tyre të parë. Çifti do bëhen prindër të një vajze dhe herë pas here Sara Hoxha ndan me ndjekësit foto ku tregon barkun e saj të rrumbullakosur.
Së fundmi, partnerja e Ledri Vulës, ka treguar të vërtetën që qëndron pas atyre fotove të ëmbla në instagram, teksa një prej ndjekësve e pyeti nëse ka shqetësime të shtatzënisë.
“A të bëjë një pyetje? Kështu shqetësime shtatzënie ke ti? Zot na ruaj ne vdiqëm të shkretët me të vjella, vapë, siklet ankth, preokupim, sa herë bëjmë ekografi, analiza. Çfarë me të thënë, ishalla qofsh si në foto,”- e pyeti ajo.
Ndërkohë Sara Hoxha rrëfeu se ka shumë shqetësime, si të gjitha femrat shtatzënë. Ajo tregoi se ndonjëherë mezi ecën dhe ngrihet nga krevati. Ndërsa theksoi se këto probleme nuk i kap aparati fotografik, duke shtuar se foto i realizon për qejf dhe jo për hall.
“Kam si jo. Mesi me këputi fare (ndonjëherë mezi eci dhe çohem nga krevati), për analizat mos me fol se stresi dhe qejfi me i madh aty qenkan bashkë, vapë sa të duash… Por nuk i kap aparati fotografik këto edhe s’ka pse. Bëjmë foto për qejf jo për hall. Të uroj shtatzëni sa më të lehte 🥰”- iu përgjigj blogerja.
