Banorët e pallatit nr.8, në lagjen 5 të qytetit të Durrësit, kanë dërguar në SPAK çështjen e dëmtimit të pallatit ku banojnë.
Ata akuzojnë bashkinë, Institutin e Ndërtimit si dhe Prokurorinë e Rrethit Gjyqësor të Durrësit, për fshehje të dëmit real të pallatit, nga tërmeti i 26 nëntorit. Ata tregojnë se është klasifikuar i banueshëm në nivelin e demit DS2, në një kohë kur animi i pallatit është përcaktuar nga ekspertët në nivelin 51 cm, ndërsa ekspertët private e klasifikojnë mbi 60.
Ata akuzojnë prokurorinë për zvarritje të hetimeve dhe për mos përgjegjësi ndaj 60 familjeve, pasi banorët thonë se pallati po çedon çdo ditë. Këtë vonesë në hetim ata e klasifikojnë si terrorizëm. Në SPAK, u depozituan dokumentat origjinale te ekspertizave paraditen e sotme.
