PD dhe LSI konfirmuan pjesmarrjen e tyre në Këshillin Politik, ditën e sotme. Në letrën drejtuar Damian Gjiknurit, përfaqësuesit e opozitës Oerd Bylykbashi hdedhe Petrit Vasili shprehen se: “Vijimi i punës në Këshillin Politik duhet të kryhet në mirëbesim mes palëve, duke respektuar Marrëveshjet politike të nënshkruara më parë, të 14 Janarit dhe 5 Qershorit, si dhe standartet e OSBE/ODIHR dhe Komisionit të Venecias.
“Nën këtë premisë, konfirmojmë pjesëmarrjen në mbledhjen e radhës, ditën e hënë, ora 18.00”, thuhet më tej në letër.
Opozita thekson se “nuk do të përfshihet në asnjë proces” për ndryshimin e koalicioneve nga të përbëra në një subjekt të vetëm zgjedhor, si dhe kërkon hapjen 100% të listave të deputetëve.
Këshilli Politik do të diskutojë sot ndryshimet kushtetuese të miratuar nga Kuvendi më 30 korrik 2020.
