Gjykata e Pogradecit ka dhënë sot masën e sigurisë arrest me burg 40 ditor për 46-vjeçarin nga fshati Vërdovë, Blerim Bizgjoni, i cili akuzohet se ka abuzuar seksualisht me një vajzë të mitur nga po i njëjti fshat.
Përpara trupit gjykues, Bizgjoni nuk ka pranuar akuzën. Madje është shprehur “se e gjithë kjo histori është sajuar nga familjarët e 14-vjeçares”.
Ka qenë prokurori Shkëlqim Kokona ai që i ka kërkuar gjykatës arrest me burg 40 për Blerim Bizgjonin pasi sipas tij duhet të paraqesë dy ekspertiza nga ekspertët psikiatër për të akuzuarin dhe minorenen.
Nga ana tjetër, është kërkuar ekspertizë për kohën e kryerjes së kësaj marrëdhënie pasi sipas prokurorit deri tani ka vetëm një ekspertizë për kryerjen e marrëdhënieve.
Denoncimi është bërë nga 14-vjeçarja, e cila ka dëshmuar se Blerim Bizgjoni e ka përdhunuar për më shumë se një muaj. 46-vjeçari akuzohet se ka kryer marrëdhënie seksuale me të miturën fillimisht ditën e Kurban Bajramit dhe e ka kërcënuar vajzën që të mos tregonte rreth kësaj ngjarje. Minorenia ka dëshmuar në polici se me familjen e Blerim Bizgjonit kishin lidhje krushqie, ndërkohë që ka shtuar se abuzimi më të ka vijuar për më shumë se një muaj.
