Rikthimi i Hazard në nivelet që tregonte në kohën kur luante me Chelsea-n është përparësia kryesore e Real Madrid.
Belgu duhet të jetë ylli i madh i ekipit të Zidane, por ai nuk po i përmbush ato pritshmëri. Sezonin e kaluar, Hazard hasi vështirësi për të treguar cilësinë e tij edhe për shkak të dëmtimeve të tij, veçanërisht në kyçin e këmbës që më në fund duhej të operohej.
Që nga operacioni, në fillim të Marsit, Hazard nuk ka qenë më i njëjti. Ai u rishfaq në pjesën e fundit të LaLiga, por ai vazhdoi me problemet e tij që e bënë atë të humbasë ndeshje rregullisht.
Tani, pas pushimeve, Hazard ende nuk i ka shuar dyshimet që ekzistojnë për gjendjen e tij. Në fakt, ai i rriti ato që kur u grumbullua për Belgjikën, por që nuk luajti për asnjë minutë, gjë që shkaktoi zemërimin e Real Madridit që preferonte që të stërvitej në Valdebebas me skuadrën.
Tani, pas kësaj situate, klubi i bardhë dhe trajneri Zidane kanë vendosur të punojnë në mënyrë që Hazard të shërohet sa më shpejt të jetë e mundur, megjithëse vështirë se do të jetë në dispozicion për debutimin e Real Madridit në kampionat kundër Real Sociedad të dielën e ardhshme, 20 shtator në Anoeta.
Rikuperimi i Hazard do të bëhet në dy plane, atë fizik dhe atë psikologjik teksa anësorit i duhet të harrojë problemet fizike të sezonit të kaluar dhe të ndihet i lirshëm në fushën e lojës.
Ajo që Real Madrid e ka të qartë është se ata nuk do të bëjnë presion ndaj Eden Hazard , derisa ai të jetë gati për të luajtur, askush në klub, duke filluar me Zidane, nuk do ta detyrojë atë të kthehet.
