Aktorja Lindsay Lohan po përballet me një proces gjyqësor që mund t’i kushtojë rreth $365.000.
Sipas Entertainment Tonight, gjigandi botues HarperCollins e ka hedhur aktoren në gjyq, pas pretendimeve se ajo ka prishur marrëveshjen e vendosur mes dy palëve.
Në vitin 2014, Lohan nënshkroi një kontratë me shtëpinë botuese dhe në dokumentet e gjykatës thuhet se ajo nuk arriti të siguronte një dorëshkrim të premtuar.
HarperCollins e padit aktoren me $3650.000, pasi ajo pretendon se kjo është një paradhënie që i takonte shtëpisë botuese, por që nuk e ka marrë. Kompania shprehet gjithashtu se nuk e mori kurrë librin e premtuar nga Lohan.
Aktores iu lejua një lëshim në afatin kohor, pasi ajo nuk arriti të përmbushte afatin e saj të parë dhe HarperCollins pretendon se ka qenë në kontakt me ekipin e Lohan dhe se ka kërkuar të ndërpresë kontratën, duke kërkuar edhe kompensimin e gjithë shumës së parave.
Lindsay Lohan i është ofruar deri në $1 milion për të shkruar kujtimet e saj në mars, 2014. Redaktorët ishin nën supozimin se Lohan do ta mbështeste punën e saj në një ditar që ajo mbajti gjatë kohës së saj në rehabilitim, por dorëshkrimi i saj nuk u materializua kurrë.
Më parë, aktorja është arrestuar disa herë gjatë viteve 2007-2010, për problemet e saj me alkoolin dhe drogën.
