Sezoni 2020/21 i La Ligës filloi zyrtarisht sot me ndeshjen Eibar-Celta Vigo e cila u mbyll në barazim 0-0.
Për të mbushur boshllëqet e edicionit të kaluar, klubet spanjolle kishin mundësinë të ndërhynin në merkato, teksa pati edhe disa lëvizje të bujshme edhe pse koha në dispozicion ishte më e shkurtër se më sezonet e kaluar kjo për shkak të pandemisë së coronavirusit.
Sidoqoftë, kjo nuk i ka ndaluar disa klube të futen në treg dhe përpara sezonit të ri, MARCA ka përzgjedhur 10 nënshkrimet më të mira të bëra në afatin e transferimeve deri në këtë pikë.
Shpenzimet e klubeve spanjolle në merkato
Martin OdegaardReal Madrid e ktheu playmaker-in norvegjez në skuadër nga ajo që supozohej të ishte një huazim dy-vjeçar me Real Sociedad pas një sezoni debutues në të cilin ai u konsolidua si një nga lojtarët më krijues të LaLiga Santander.
Miralem Pjanic
Mesfushori boshnjak kaloi te Barcelona në këmbim të Arthur Melo i cili tashmë është një futbollist i Juventusit. Pjanic pritet të jetë një lojtar kyç në sistemin e Ronald Koema , duke pasur parasysh faktin që ai është një mjeshtër në zotërimin e topit.
Francisco Trincao
Barcelona përfundoi transferimin e anësorit për 31 milion euro në janar, por ai u bë zyrtarisht pjesë e klubit gjatë muajve të verës. Sidoqoftë, Barcelona tani pret që ai të kontribuojë menjëherë në klub teksa një formë huazimi për 20-vjeçarin është përjashtuar.
Oscar Rodriguez
Një tjetër përfitues i politikës së huazimit të Real Madrid , Oscar Rodriguez po i bashkohet një projekti fitues te Sevilla , duke i kushtuar klubit andaluzian 13 milion euro.
Ivan Rakitic
Mesfushori kroat ka nevojë për pak prezantim pas kthimit të tij në Sevilla , megjithatë ai mbetet një nga nënshkrimet e verës. Pavarësisht se e humbi vendin titullar te Barcelona, 32-vjeçari ishte ende duke performuar në nivele shumë të larta dhe tashmë Sevilla ka luksin e madh ta shfrytëzojë atë në mesfushën e skuadrës.
Dani Parejo
Kjo është një marrëveshje që ka një fitues dhe një humbës shumë të qartë. Villarreal janë fituesit e dukshëm pasi nënshkruan një mesfushor me përvojë me reputacion për një lidership të madh. Nga ana tjetër, Valencia i dha kapitenin e tyre një rivali vendas.
Pasi ka luajtur 351 ndeshje në La Liga, Parejo do të shihet si një udhëheqës në dhomën e zhveshjes premtuese të Villarreal dhe 58 asistimet e tij në karrierë do të jenë një nxitje e madhe për Gerard Moreno dhe Paco Alcacer në sulm.
Take Kubo
Real Madrid u bind nga propozimi i huazimit të bërë nga Villarreal për mesfushorin japonez me shpresën se ai do të përjetojë një vit të ngjashëm me atë që bëri Martin Odegaard me Real Sociedad në 2019/20.
David Silva
Real Sociedad “i rrëmbeu” Lazios mesfushorin e njohur spanjoll pasi kontrata e tij me Manchester City skadoi. 34-vjeçari thuhej se kishte arritur një marrëveshje personale me italianët ndërsa në momentet e fundit duket se futbollisti kishte ndërruar mendje dhe u zyrtarizua te Sociedad.
Claudio Bravo
Reputacioni i tij mund të jetë dëmtuar nga përvoja e tij me Manchester City , por është e nevojshme të mbahet mend se portiere kilian dikur ishte një fitues i “Trofeut Zamora” në një periudhë tetë-vjeçare ku vetëm Jan Oblak dhe Thibaut Courtois e kanë fituar këtë çmim.
Ai ka nënshkruar për Real Betis që drejtohet nga Manuel Pellegrini dhe sjell në ekip përvojën e tij të madhe. Fakti që ai nuk i kushtoi asgjë klubit është një tjetër bonus.
Alvaro Negredo
Negredo është kthyer në Spanjë me skuadrën e sapongjitur në La Liga, Cadiz. Ai ishte nënshkrimi i parë i bërë nga presidenti Manuel Vizcaino .
Teksa aventurat e tij në Angli dhe Turqi kanë qenë të kënaqshme, Negredo nuk mund të refuzonte një shans për t’u kthyer në futbollin spanjoll, pavarësisht se kishte humbur shpejtësinë dhe formën që kishte dikur, gjë që është e natyrshme për një 35-vjeçar.
Megjithatë, ai nuk ka harruar si të shënojë gola, teksa ka shënuar 59 gola në katër sezonet e tij të fundit, dhe Cadiz shpreson që golat e tij ta mbajnë skuadrën në La liga.
