Mbrëmjen e djeshme në “Zonë e Lirë” ishin të ftuar mjeku infeksionist Pëllumb Pipero dhe ambientalisti Sazan Guri. Guri e ka pyetur Piperon nëse ai beson realisht tek maska, të cilën vetë ambientalisti nuk e mbante.
“Jo vetëm besoj, por në rradhë të parë ua këshilloj juve. Maska jep një mbrojtje deri në 90 e ca %. Jo vetëm që parandalon hapjen e spërklave të pështymës, por parandalon dhe spërklat e të tjerëve për t’i marr neve”, tha Pipero.
“Pse kryeministri nuk mban maskë? Për të gjithë këta? Apo mos kanë ndonjë ilaç?”, e ka pyetur më tej Guri-Piperon.
“Unë ua këshilloj dhe atyre ta mbajnë maskën. Në ato dalje televizive kryesisht e kam parë me maskë”, u përgjigj Pipero, i cili shtoi më herët se pandemia mund të zgjasë deri në vitin 2023.
”Në ambiente të hapura kur mbahet distanca nuk mund të mbahet maska. Por në ambiente të mbyllura kur nuk ruhet distanca duhet të mbajtur”, u shpreh më tej mjeku.
