Prokuroria e Posaçme ka mbyllur hetimet për vrasjen e ndodhur në ish-Bllok dy vite më parë, ku Fabian Gaxha u qëllua me armë zjarri dhe humbi jetën.
Akuza ka mattë Ervis Martinajn të merret i pandehur për katër vepra penale. Ai akuzohet për “Krijim kushtesh për të kryer vrasjen”, “Fshehje e të ardhurave”, “Falsifikim pasaportash”. Ai akuzohet edhe për organizim të palejuar të lojërave të fatit.
Dosja pritet tashmë që brenda 10 ditësh të shkojë në gjykatë.
Në prej 4 tetorit të vitit 2018, Ervis Martinaj u hetua nën masën e sigurisë burg pa afat për ngjarjen e rëndë të ndodhur në ish-bllok.
Ai u plagos në përplasjen me armë të ndodhur mbrëmjen e 4 tetorit në zonën e ish Bllokut, ku mbeti i vrarë, gjatë shkëmbimit të zjarrit në ambientet e brendshme të një lokali, Fabian Gaxha dhe u plagos dhe shoku i tij Eljon Hato. Autori i dyshuar i ngjarjes mendohet se ishte komandoja Mervjon Bilo. Krahas akuzave për ngjarjen, Ervis Martinaj ishte nën hetim edhe për vepra të tjera penale, si pastrim parash apo evazion fiskal në biznesin e tij të lojërave të fatit. Nga hetimet e prokurorisë, rezultonte se Ervis Martinaj përdorte edhe një identitet tjetër, të një shtetasi kosovar me emrin Admir Koca.
