I ftuar në Report TV deputeti Lefter Maliqi flet për situatën aktuale, lojërat politike dhe fatin e partive në zgjedhjet që pritet të zhvillohen në 25 prill 2021. Maliqi foli edhe për deklaratën që ka bërë Meta se është i gatshëm të lëshojë mandatin për Rexhep Meidanin dhe për të kontribuuar me tej në një ministri apo kryeministri.
“Në fakt i takon Metës të flas për këtë, por unë di të them që detyrën e kryeministrit, presidentit, kryetarit të LSI-së e ka kryer me sukses. Unë pash një shpresë tek socialistët e zhgënjyer. Unë vlerësojë dy figura që janë Sali Berisha dhe Ilir Meta në politikën shqiptare.”, tha Maliqi.
Ndërkohë për të krijuar një forcë të re politike tha Maliqi nuk është problem, por për shkak të shmangies dhe votimeve që janë kryer, unë e them që sot disa forca marrin mandate, që janë, PD, PS, LSI dhe disa të tjerë, por partitë e reja nuk kanë asnjë shans.
“Unë nuk do të merrem me emra të veçantë, i uroj suksese nismës së Rudina Hajdarit dhe Myslim Murrizit. Unë i kam miq të dy. Për zonjën Hajdari kam respekt, ka mbaruar në SHBA dhe i uroj suksese. Nga opozita e re nuk shoh asnjë emër që do të jetë pjesë e parlamentit të ardhshëm. E fus edhe veten këtu edhe pse unë po të dua të jem, do të jem. Por do shikoj vazhdimin e Këshillit Politik. Do shoh si do vazhdojë ky Kod Zgjedhor dhe në bazë të kësaj do marrë vendimin e duhur. Unë i kam dhënë provat e mia. Në 2021 kam dëshirë të jem tek Opozita e Bashkuar, PD-LSI-së.
Do jem midis tyre, por nuk përjashtohet mundësia edhe brenda një force tjetër. Por unë di të them se me kë do të jem do të ndodh ndryshimi në arkun e Beratit. Fuqinë time e di Basha, Kryemadhi dhe Rama. E sigurit është që Basha dhe Kryemadhi do jenë në qeveri pas 25 prillit dhe këtë e di shumë mirë Rama.
