Një 36-vjeçar është vënë në pranga pasi ka goditur me thikë një vajzë të cilën e përndiqte prej kohës, bëri me dije policia.
Blutë e kryeqytetit njoftuan se, specialistët për Hetimin e Krimit në Komisariatin e Policisë Vorë bënë arrestimin në flagrancë të shtetasit E.L., 36 vjeç.
Të njëjtat burime shtuan se tek stacioni i autobusëve Vorë-Tiranë, pasi e ka përndjekur për një kohë të gjatë, 36-vjeçari ka ushtruar dhunë fizike duke e goditur me një mjet prerës (thikë) shtetasen B. B., 30 vjeçe.
Kjo e fundit, pas marrjes së mjekimit në spital, u largua për në banesë.
