Një aksident me vdekje ka ndodhur këtë të Martë në Piqeras të Himarës. Një person ka humbur jetën dhe dy të tjerë janë plagosur, pasi një automjet tip “Ford” ka dalë nga rruga dhe është përplasur me bordurën anësore. Viktima është Armand Asllani, 34 vjeç, nga Durrësi, ashtu si të plagosurit.
Sipas një rindërtimi paraprak të ngjarjes nga policia, rreth orës 07:00, në aksin rrugor Sarandë-Piqeras, dyshohet se si pasojë e humbjes së kontrollit ka dalë nga rruga dhe është përplasur me bordurën anësore automjeti tip ‘Ford’ me drejtues shtetasin Erti B. dhe dy pasagjerë. Si pasojë e përplasjes, ka humbur jetën pasagjeri Armand Asllani, 34 vjeç, ndërsa drejtuesi Erti B. dhe pasagjeria tjetër Aurora K. janë transportuar për ndihmë mjekësore në Spitalin e Sarandës, jashtë rrezikut për jetën.
“Grupi hetimor ndodhet në vendngjarje dhe po kryen veprimet e mëtejshme në lidhje me sqarimin e rrethanave të aksidentit”, njoftoi policia.
