Një 40-vjeçar nga Tirana është vënë në pranga në Pogradec, pasi është kapur duke transportuar refugjatë.
A.R., 40 vjeç, banues në Laprakë, u arrestua.
Shtetasi i mësipërm u kap në lagjen nr. 3, Pogradec, nga punonjësit e Policisë Rrugore, duke transportuar me mjetin tip “Mazda”, në drejtim të Tiranës, 8 emigrantë të paligjshëm, të cilëve kundrejt fitimit, iu kishte premtuar kalimin drejt vendeve të BE-së, njoftoi policia.
Materialet i kaluan Prokurorisë të Rrethit Gjyqësor Pogradec, për veprën penale “Ndihma për kalim të paligjshëm të kufijve”, shtuan të njëjtat burime.
