Një ngjarje tronditëse ndodhi pak ditë më parë në spitalin Shefqet Ndroqi, apo siç njihet ndryshe Sanatoriumi.
Një 65-vjeçar i infektuar nga Covid-19, u hodh nga ballkoni dhe për pasojë humbi jetën. Ndërkohë në lidhje me ngjarjen ka reaguar edhe mjekja e tij e familjes, Valbona Kola,e cila tregoi për gjendjen e pacientit të saj Hasan Mira.
Mjekja tha u detyrua që të niste Mirën drejt Tiranës, pasi gjendja e tij u përkeqësua. Ndërkohë ka shtuar se pacienti nuk ishte në gjendje të rënduar psikologjike.
Ajo u shpreh:
Gjendja e tij ishte padiskutim e rëndë, përderisa unë e nisa për në Burrel dhe ato në Tiranë, me temperaturë të lartë, vështirësi në frymëmarrje, djersë, lodhje. Ai gjithmonë e ka pasur fobi vizitën e paraqitjen në spital.
“Unë s’dua të shtrohem”, më tha kur i pohuam se do të shkonte në Tiranë. Por që ishim të detyruar ta përcillnim nga gjendja e rënduar, po ai s’donte në fakt.
Mjekja zbuloi edhe telefonatën e fundit që kishte pasur me të ndjerin ku i kishte rrëfyer se nuk ishte aq keq sa i kishin thënë.
Mjekja shtoi:
Dua të them që në darkë pasi familjarët u kthyen nga Tirana, më ka marrë në telefon e më tha, se kam qenë dhe mike për familjen, më tha në emër, ‘Vali s’qenka këtu në spital sicc e kanë interpretuar në media njerëzit’ se kishte frikë, mos ishte si burg, por më tha se ishte mirë. Ai asnjëherë s’ka pasur probleme mendore apo të jetë trajtuar në këto 30 vite në dijeninë time. Sipas familjarëve ai ka pasur rezistencë për tu shtruar, nuk donte, por për shkak të gjendjes…Familjarët më thoshin është rëndë, djali ka qenë te spitali.
