“Shkolla ‘Sami Frashëri’ ishte me fat që u godit nga tërmeti”. Deklarata e çuditshme u bë në një studio televizive dhe personazhi që nxori këto fjalë nga goja ishte Rudina Magjistari.
Prezantuesja e emisionit “Rudina” në Tv Klan nisi sezonin e rri të emisionit me të ftuar kryebashkiakun e Tiranës Erion Veliaj.
Ky i fundit propagandoi duke thënë se shkolla Sami Frashëri, e dëmtuar nga tërmeti i 26 Nëntorit, “do bëhet më e bukura në republikë”.
“Shkolla Sami Frashëri dy herë me fat! Një herë që të ka pasur ty nxënës (Erion Veliajn) dhe një herë që u trondit nga tërmeti, sepse do kërkojnë të gjitha shkollat të bëhen si Sami Frashëri…“, tha Rudina Magjistari.
Por, tërmeti i 26 nëntorit në fakt nxori në pah defekte të shumta në investimet publike në Tiranë, sa i përket shkollave dhe kopshteve. Gjimnazi “Sami Frashëri” që iu vu shiriti i kuq menjëherë pas tërmetit të 26 nëntorit, ishte rikonstruktuar në korrik të 2018-ës.
Min 19:25
