Miqësorja Turbina-Dinamo ka hapur polemika të shumta, për shkak se ndeshja që ishte programuar për të shtunën u ndërpre pas dhjetë minutash teksa një grindje masive ka përfshirë dy ekipet.
Nga të dyja kampet ka akuza për lojë të rëndë dhe për ndërhyrje dashakeqe. Madje, miqësorja ka degraduar në grushte të shkëmbyera mes lojtarëve.
Klubi cërrikas ka publikuar edhe një sekuencë filmike të sherrit të ndodhur dhe aty shikohen Mario Bytyçi dhe Albi Koldashi, që kapen mes tyre.
