Gjykata e Tiranës ka vendosur të shtyjë për ditën e nesërme seancën gjyqësore për vlerësimin e masës së sigurisë ndaj 43-vjeçares Lubjana Gjeçaj, e arrestuar se rekrutonte persona në Shqipëri për ti anëtarësuar në grupet radikale jashtë vendit.
Ajo akuzohet se gjatë kohës që ka qenë emigrante në Itali ka qenë pjesë e një grupi radikal që rekrutonte luftëtarë për Shtetin Islamik, ISIS, që u godit nga autoritetet italiane në korrik të 2015 në operacionin ”Martesa”.
Mësohet se prokuroria ka kërkuar mbajtjen e gruas në qeli drisa të bëhet ekstradimi drejt Italisë, ndërsa avokatët kërkojnë që 43-vjeçarja të vuajë dënimin në Shqipëri.
Në kuadër të këtij hetimi, gjatë një aksioni të zhvilluar në Itali dhe Shqipëri, në qytetin e Lushnjes, u arrestuan 10 persona, nga të cilët katër italianë, pesë shqiptarë dhe një kanadez.
Shqiptarët pjesë e këtij grupi janë Baki Çoku,Dritan Gjeçaj, Lubjana Gjeçaj, Aldo Kobuzi dhe Arta Kakabuni.
Sipas autoriteteve italiane, ky grup kryente martesa mes të rinjve dhe i dërtgontë në Turqi dhe më pas në Siri për të luftuar për Shtetin Islamik.
