Një pedagoge ka ndërruar jetë nga Covid-19, ndërsa po mbante një leksion online për studentët e saj.
Ajo shfaqi probleme me frymëmarrjen dhe nuk arriti të shpëtojë.
46-vjeçarja Paola de Simone, e cila jepte lëndën e politikës dhe marrëdhënieve ndërkombëtare në universitetin e Buenos Aires në Argjentinë ndërroi jetë për shkak të problemeve me frymëmarrjen gjatë një ore mësimi që po zhvillonte në aplikacionin Zoom.
Sipas dëshmive të nxënësve, të cilët panë drejtpërdrejt këtë ngjarje të rëndë, pedagogia u shfaq duke gulçuar dhe për këtë ata i kërkuan që të ndërpriste mësimin dhe të shkonte në spital.
Paola kishte shkruar më herët në rrjetet sociale se në fund të gushtit kishte pasur simptoma të koronavirusit të paktën për 4 javë, të cilat nuk i ishin larguar.
