Seks në këmbim të drogës. Historia me protagonist një shqiptar është zbuluar nga karabinierët në Arezzo të Italisë.
Siç raporton “La Nazione”, pas rrëfimit të një të reje e varur nga droga, karabinierët arrestuan personin që e furnizonte atë. Sipas vajzës, pagesat për lëndën narkotike, asnjëherë nuk bëheshin me para, por me seks.
Në pranga u vu të shtunën personi për të cilin rrëfeu vajza: një 35-vjeccar shqiptar, si dhe një shqiptar tjetër 34-vjeç, të cilët akuzohen për trafik droge.
35-vjeçari merrej me shpërndarje droge kryesisht ne sheshin “Santa Margherita”. Ai furnizonte vajzën me drogë, por në këmbim nuk kërkonte para. “Asnjëherë nuk kam paguar për drogë, mjaftonte që ta lija të bënim seks, ka ndodhur pothuajse kudo, edhe në rrugë”, ka treguar vajza 30-vjeçe.
Shqiptari raportohet se i merrte porositë për drogën në telefon dhe i shpërndante dozat me biçikletë, në qendra tregtare, parkingje, dhe destinacione të tjera sipas kërkesës së blerësve.
Megjithatë, tërhoqi vëmendjen e karabinierëve që në fund e arrestuan. Ngjarje që nxori në pah dhe historinë e vajzës 30-vjeçare, si dhe arrestimin e një shqiptarit tjetër.
/BN/
