Ish-deputetja demokrate, Albana Vokshi u ka bërë thirrje edhe njëherë institucioneve që të nisin testimin për mësuesit në mënyrë që të mbrojnë jetën e tyre por edhe të fëmijëve dhe prindërve.
Në postimin e saj në Facebook, Vokshi thekson se në Kosovë ka nisu testimi fala për 1500 mësues si masë paraprake para nisjes së vitit të ri akademik, ndërsa në shqipëri vetëm proagandë dhe asgjë tjetër.
Ja postimi i Vokshit:
Kosovë: fillon testimi i mësuesve. 1500 mësues nga komuna të ndryshme testohen këto ditë para fillimit të vitit të ri shkollor.
Shqipëri: asnjë masë e marrë për testimin e mësuesve. Ndërkohë që ka denoncime që drejtorë shkollash në Tiranë janë testuar pozitivë me COVID19 ditët e fundit.
Ajo historia me linjë të veçantë për mësuesit është thjesht jo funksionale në kushtet kur 127 është në kolaps, apo në kushtet kur edhe qytetarët “fatlumë” që ju bëhet tamponi, duhet të presin edhe disa ditë ose një javë për përgjigjet. . .kohë që në shkolla askush nuk e ka luksin të presë.
Edhe në Shqipëri duhen marrë masa për testimin falas të të gjithë mësuesve. Përndryshe fëmijët tanë janë të gjithë të rrezikuar.
