Paul Pogba është rikthyer në orbitën e Juventus-it.
Mesfushori i Manchester United është kthyer në qendër të zërave të merkatos që flasin për një kthim të tijin në Torino.
Sipas Tuttosport, plani për rikthimin e francezit te bardhezinjtë është menduar në çdo detaj.
Manchester United dhe lojtari janë të lidhur nga një kontratë prej 13.5 milionë eurosh në sezon deri në vitin 2022 dhe Juventus po mendon të presë edhe një vit për ta realizuar goditjen me shifra më të ulëta se 130 milionë eurot e kërkuara nga Djajtë e Kuq.
Me një kontratë drejt skadencës dhe 29 vite në kartën e identiteti, francezi mund të sigurohet edhe për një shifër jo më të lartë se 40 milionë euro.
