Kreu i PBDNJ, Vangjel Dule ka kërkuar datën më të shpejtë të mbajtjes së zgjedhjeve që lejon Kushtetuta. Sipas Kushtetutës, periudhë e mbajtjes së zgjedhjeve është 15 Prill-15 Maj dhe në këtë rast data më e shpejtë i bie 18 prilli, e diela e parë pas 15 Prillit.
“Për të diskutuar në lidhje për datën e zgjedhjeve me qellim që të nisi sistematikisht përgatitje e zgjedhjeve të ardhshme dhe që vendi ynë të arrijë atë që vendet demokratike e kanë me kohë. në këndvështrimin tim zgjedhjet duhet të mbahen në periudhën më të shpejtë dhe në kohën më të shkurtër të mundshme. Jemi në pritje të vendimit të presidentit“, tha Dule, pas takimit që ka zhvilluar me presidentin Meta.
Ky i fundit ka nisur sot konsultimet me krerët e partive politike, për datën e zgjedhjeve parlamentare.
