Greqia dhe Turqia duket se kanë rënë dakord për të ulur tensionet mes tyre dhe për të nisur bisedimet për zgjidhjen e mosmarrëveshjeve mbi Mesdheun Lindor.
Lajmi u bë i ditur nga Sekretari i Përgjithshëm i NATO-s Jens Stoltenberg, i cili shkruan se të dy vendet ranë dakord të fillojnë bisedimet për çështjet teknike.
“Greqia dhe Turqia janë Aleatë të vlefshëm dhe NATO është një platformë e rëndësishme e gatshme për konsultime, për të gjitha çështjet që prekin sigurinë tonë të përbashkët”, u shpreh ai.
Deklarata e Jens Stoltenberg:
Pas diskutimeve të mia me udhëheqësit grekë dhe turq, të dy Aleatët ranë dakord të fillonin bisedime teknike me NATO-n për të vendosur mekanizma ushtarak për të zvogëluar rrezikun e aksidenteve dhe incidenteve në Mesdheun Lindor.
Greqia dhe Turqia janë Aleatë të vlefshëm dhe NATO është një platformë e rëndësishme e gatshme për konsultime, për të gjitha çështjet që prekin sigurinë tonë të përbashkët.
Po qëndroj në kontakt të ngushtë me të gjithë Aleatët e interesuar për të gjetur një zgjidhje për tensionet në frymën e solidaritetit të NATO-s.
