Situata mes Greqisë dhe Turqisë sa vjen dhe përkeqësohet . Së fundmi, drejtori i komunikimit të presidencës turke, Fahrettin Altun, ka folur me tone të ashpra për Greqinë, duke paralajmruar atë që mos t’u prek asnjë fije floku gazetarëve që kanë shkuar në Egjeun Lindor për të raportuar rreth ngjarjes.
Ky irritim i drejtorit ka ardhur pas publikimit të informacionit që gazetarët e Anadolu udhëtuan nga Rodos në Kastelorizo. Po ashtu ai, në një status në rrjetet sociale e ka provokuar shtetin grek duke thënë se është antëre e BE-së dhe sillet si një shtet mafioz.
“Ju do të paguani çmimin nëse këta gazetarë turq janë në rrezik. Askush nuk mund ta ndalojë agjensinë Anatoli, stafi i së cilës punon në kushtet më të vështira, përmes kërcënimeve” –shkroi Altun, duke shtuar: Ne dënojmë përpjekjet e autoriteteve greke për të nxitur dhunë, kundër gazetarëve të Anadolou në Kastelorizo.
Gazetarët grekë punojnë lirshëm në Turqi, ndërsa Greqia, një anëtare e BE, vepron si një shtet mafioz.Tensionet janë ndezur që në fillim të muajit gusht, kur anija turke nisi lundrimin në Egje, për të kryer kërkime. Pala greke kërkoi që Turqia të mos kërcënonte, dhe në krah i doli BE dhe Franca. Tensionet e kanë kthyer Egjeun Lindor një zonë të minuar e cila rrezikon që të kthehet në një arenë lufte në Evropë. Në konflikt kanë hyrë edhe dy superfuqi, si Franca dhe Rusia. Franca është rreshtuar në krah të Greqisë.
