Kryeministri Edi Rama deklaroi se nuk ka një marrëveshje për detin me Greqinë dhe nuk mund të ketë pa miratimin e Presidentit Ilir Meta.
“Nuk mund të ketë një marrëveshje për detin me Greqinë pa miratimin e Presidentit Meta. Është Presidenti ai i cili e firmos marrëveshjen dhe më pas presidenti ka mundësine ta dërgojë dhe apelojë në Gjykatën Kushtetuese. Një deklaratë ngatërresë e ish-Presidentit grek ka bërë që e gjithë situata të ngatërrohet, por në këtë situatë nuk ka asgje të vërtetë. Nuk mund të behet asgjë pa miratimin e Presidentit dhe kushdo që i ha këto gjëra është thjesht trupeshk”, tha Rama nga Vlora, për gazetarët.
Një ditë më parë, Meta apeloi të bëhet kujdes me deklaratat për këtë cështje, që mund të përdoren në dëm të Shqipërisë.
