Ish-kryeministri i Italisë Silvio Berlusconi u konfirmua se ishte i infektuar me koronavirus. Një ditë pas këtij lajmi, rezulton se janë infektuar edhe bashkëshortja e tij, Marta Fascina 30 vjeç dhe dy fëmijët.
Mediat e huaja bëjnë me dije se dy fëmijët që janë infektuar janë Luigi dhe Barbara Berlusconi, 36 dhe 31 vjeç. Nuk dihet ende se ku janë infektuar por ka dyshime që mund të kenë marrë virusin gjatë pushimeve.
Gjendja e ish kryeministrit është e mirë pasi nuk ka shfaqur asnjë shenjë të sëmundjes, ndërsa po qëndron i izoluar në shtëpi nga ku po vazhdon punën.
