Ka përfunduar në barazim 1-1 ndeshja ndërmjet Moldavisë dhe Kosovës, e vlefshme për grupin 3 në Ligën e Kombeve (Liga C).
“Dardanët” e dominuan ndeshjen, por fati e donte që të mos dilnin me tri pikët nga kjo sfidë.
Fillimisht ishin moldavët që kaluan në avantazh, me anë të Nicolaescu në minutën e 19-të, në të vetmin rast të pastër të krijuar për gol.
Pjesa e parë do të mbyllej me këtë rezultat. Në pjesën e dytë, Kosova do ta niste vrrullshëm sfidë, por u desh të vinte minuta e 71-të për të barazuar rezultatin.
Edhe pse rastet nuk do të mungonin “Dardanët” nuk arritën të shënoin golin që do t’i dhuronte tri pikët.
Kosova ka në grup Slloveninë dhe Greqinë që po ashtu kanë nga 1 pikë.
Kujtojmë se me 6 shtator “Dardanët” do të presin grekët në stadiumin ‘Fadil Vokrri’.
