Ish-gruaja e Jeff Bezos, është bërë gruaja më e pasur në botë, për shkak të rritjes së shitjeve të Amazon gjatë periudhës së karantinës. MacKenzie Scott, zotëron sot 4 përqind të aksioneve në gjigantin e tregtisë elektronike.
Ajo, vitin e fundit ka shtuar 30.3 miliardë dollar të tjera në bilancin e saj, duke e çuar pasurinë e saj në 67.4 miliardë dollarë, bën të ditur Indeksi i Miliarderëve Bloomberg.
Rritja e pasurisë së Scott, e ka bërë ate gruan më të pasur në botë dhe një ndër 12 njerëzit, të cilët kanë llogarinë bankare me shuma marramëndëse.
Jeff Bezos dhe MacKenzie Scott u ndanë në vitin 2019.
