Një 35-vjeçar ka humbur jetën teksa ishte duke punuar në periferi të Tiranës.
“Rreth orës 14:50, në Kamëz, duke punuar në një fabrikë prodhimi parafabrikat, shtetasin B.M., 35 vjeç, dyshohet se e ka kapur makineria e fabrikës”, njoftoi policia.
Punëtori është dërguar në spital, por nuk ka mundur të mbijetojë.
“Si pasojë e plagëve të marra, ka ndërruar jetë në spital”, njoftoi policia.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes, shtuan të njëjtat burime.
