Një aksident me vdekje ka ndodhur mëngjesin e sotëm në autostradën Tiranë-Durrës, në korsinë me drejtim lëvizje drejt qytetit bregdetar.
Burime nga vendngjarja bënë me dije se një automjet tip “BMW” është përplasur me një tjetër tip “Fiat”. Për pasojë ka humbur jetën drejtuesi i automjetit tip “Fiat”. Autoambulanca ka shkuar në vendngjarje, megjithatë nuk ka mundur ti vijë në ndihmë personit të gjendej në mjetin tip “Fiat”.
Forca policie kanë shkuar në vendngjarje dhe një hetim ka nisur lidhur me aksidentin, që ka sjellë dhe rëndim të trafikut.
“Rreth orës 06:05, në autostradën Tiranë-Durrës, mjeti me drejtues Xh.S, ka aksidentuar mjetin me drejtues shtetasin E.M., i cili si pasojë e plagëve të marra ka ndërruar jetë. Drejtuesi i mjetit u shoqërua në Komisariatin e Policisë Nr.6, për veprime të metejshme. Grupi hetimor ndodhet në vendngjarje dhe vijon punën për zbardhjen e rrethanave të ngjarjes”, njoftoi policia.
“Boldnews” sjell pamjet nga vendngjarja.
